許主席致歡迎辭時聲如洪鐘，但原來佢抱恙在身，前晚突然感到腸胃不適，朝早起身時個頭仍然赤赤痛。佢苦笑話差啲出席唔到就職禮，好彩睇咗西醫後冇事。

晚宴以名譽會長、「玩具大王」蔡志明最搶鏡，佢手戴價值逾四百萬元嘅鑽石愛彼錶（Audemars Piguet）亮相。原來隻錶八個月前新鮮熱辣到港，佢一望就鍾意，事關隻錶具備罕有嘅音樂報時功能，只要按一按錶上一粒掣，隻錶就會發出悠揚悅耳音樂，貴一貴都係值得！