23/03/2010

播放本新聞相關短片

政情:青聯再幫後生仔搵工

香港青年聯會喺下個月二十四號第二度搞「新鮮人工略」,舊年由主席阿Rock陳仲尼做搞手,吸引咗三千幾個學生即場面試,成功配對咗六百幾份工,平均薪金有一萬蚊上下,今年到副主席阿Ken朱鼎健接手搞,佢首先喺自己機構掘職位,由前台八、九千蚊月薪嘅服務員到兩萬蚊嘅私人助理職位都有。阿Ken話到時可能會問吓應徵者人生最大嘅低潮係啲乜,又會問吓佢哋未來五年想賺幾多錢等等,睇吓佢哋嘅人生觀同新聞觸覺。

其他青聯嘅兄弟姊妹亦都響應,好似信和置業嘅黃永光、合和實業嘅胡文新、新世界發展嘅鄭志剛、莊士國際嘅莊家彬同莎莎都有提供職位。