但公務員事務局局長「D姐」俞宗怡（圖）尋日就喺立法會財委會特別會議上，話過去三年當局已盡力就公務員薪酬可加可減機制尋找主流意見同埋諮詢員方，但員方主流意見唔贊成立法，認為即使訂立賦權法例畀當局可調低公僕薪酬，有關減幅嘅百分比始終要以附屬法例形式提交立法會審批，故此立法減薪所引發嘅政治問題仍係無可避免。

波波嘅原意係立法可以減少爭拗同引發政治爭議，但D姐咁講就等於話波波條橋唔掂，企硬唔立法，波波條氣點會順吖，即刻質疑當局係怕咗公務員而唔敢改革。