觀塘、大埔及港島東區的空氣污染指數，昨午錄得五百的新高。昨午到灣仔修頓運動場打籃球的退休人士關先生稱，昨晨起床時已感呼吸困難，跟前日分別很大：「我平時日日都嚟打波，今日（昨日）打咗十幾分鐘已經氣喘，可能會早啲返屋企避免外出。」

「即刻返屋企開冷氣」

於觀塘上班的孕婦羅太稱，早上已發現空氣變差，感到特別刺鼻，因此隨身帶備數個口罩以備不時之需，亦盡量避免外出，下班後立即趕返家中。患有鼻敏感的謝同學坦言，昨日感身體不適，鼻水亦特別多，上學時特別戴上口罩：「平時放學後會行吓街，今日就會即刻返屋企，亦會開冷氣避免開窗。」於九龍區工作的的士司機陳先生說：「尋日架車特別多塵，平時一個早上只會洗一次車，今日要洗成兩次，觀塘區啲塵尤其嚴重，一開窗已經覺得刺鼻，印象中四、五年來都未試過！」