南約區校舍擬辦特殊校

孫公嘅表態對新界鄉議局嚟講應該係個喜訊，但係鄉議局最近亦收到孫公信函，就鄉議局早前提交嘅「新界鄉議局南約區學校復校計劃書」回覆，指南約區學童不足，並透露當局正考慮正生書院嘅遷校申請。鄉議局見孫公咁講即時起弶，澄清當局所指嘅「計劃書」只係意見書，主席劉皇發決定短期內向當局提交正式復校計劃書申請，希望當局公平處理。

睇孫公個勢似乎兩邊都唔幫，但實際上葫蘆裏面賣乜嘢藥呢？據聞最近又傳出一個新方案，話即使當局唔批准南約區中學復校，亦唔想畀正生入主，寧願將校舍撥作營辦寄宿特殊學校，方便東涌區弱能學童返學，以解決東涌興建寄宿特殊學校嘅紛爭。離島區議員黃福根話，最近都聽到梅窩居民有呢個訴求，佢會先做居民調查，至決定係咪向當局提出建議。幕，展期由四月三號至七號，而展覽完成後，部分藏品會送贈畀外國博物館，餘下嘅就送去英國收藏。