難得身材不變

原來Scarlett件衫十幾年前喺金鐘一間中式服飾店買嘅，只係着過一次。由於當晚佢要趕場參加港區婦聯代表聯誼會成立周年晚會，節目安排佢同三十幾位靚女、靚太齊齊行天橋，佢特登配搭咁嘅行頭，事關咁着冇旗袍咁嚴肅，又不失中國味。

佢好欣賞條燈籠褲嘅褲腳印咗朵好大嘅牡丹花，夠晒簡約突出，仲自爆有好多從未着過嘅靚衫，有次十六歲嘅囝囝提醒佢衣櫃太多衫，所以佢覺得自己要做個好榜樣，拒絕買新衫，今次先至摷番十幾年前嘅舊衫着，難得係身材十年不變。