本文重點
【本報訊】陳志雲高調見傳媒，有法律界人士認為，他是希望站出來建立正面形象，同時告訴公眾「自己真金不怕洪爐火」。廉署對陳舉行記者會不作回應，至於他聲稱在廉署內用剃刀刮損面，廉署指，根據規定該署須向被扣留人士提供包括鬚刨等梳洗用具，但會確保扣留人士不會傷害自己。
廉署發言人回應稱，根據《廉政公署條例》第十一條（被扣留者的處理）令，廉署在確保扣留者不會逃走或傷害自己的情況下，須給予被扣留人士足夠設施及機會，以便能洗濯、淋浴及如廁，並做適量運動。
話畀人聽「我唔怕」
廉署對於陳志雲開記者會不作回應，法律界人士黃國桐則指，陳志雲見記者對其形象有幫助，只是現階段他不可跟叢培崑、寧進、錢國偉及陳永孫四名涉案人士接觸：「ICAC有特別條例，被查人同嫌疑人不可以聯絡、溝通，同協助調查嘅人（證人）亦不可討論案件，理論上連見面、聯絡亦不可。」
黃國桐說：「我哋呢行好忌見到啲客戴口罩、黑超，避傳媒，陳志雲本身都係傳媒人，冇理由會怕傳媒，佢今次開記招，主要係補救之前嘅負面形象，爭取番啲印象分，話畀大家聽，自己唔係唔敢面對，有『我唔怕、我冇嘢』嘅姿態。」