表現自信 以強示人

陳志雲身穿粉紅色恤衫配西裝出席記者會，鏡頭前表現泰然自若和帶着笑容，精神科專科醫生李永堅指陳志雲表現自信，希望示人以強：「佢盡量塑造自信、清白形象；眼神冇閃爍，想畀人知自己冇不可告人秘密，冇嘢唔見得光，現階段只係接受調查。佢解釋戴口罩事件，想講自己係行得正企得正。」

對於陳志雲最後的金句「真的假不了，假的真不了」，李醫生笑言有點玄妙：「呢句三歲細路仔都識講，我諗佢想講公道自在人心，法律係公正嘅，可能想話自己冇做過不合法嘅嘢，大家唔好用有色眼光睇佢。整體嚟講，佢想話畀大家聽『真金不怕洪爐火』，自己係好大方，唔心虛，亦將自己強者一面畀大家睇。」