記者會於昨午在尖沙咀一間酒店舉行，吸引各傳媒派出共逾二百名記者前來採訪。至三時二十五分，身穿深灰色西裝褸、粉紅色恤衫的陳志雲現身，只見他面容清減了不少，但明顯經過悉心打扮，面上化了淡妝，頭髮亦曾整理，較上周四被廉署人員押返無綫電視城時頭髮蓬鬆完全兩樣。
同案四人未有出現
精神奕奕的陳總不時面帶笑容，在短短四分鐘的記者會上「擺定甫士」，「任影唔嬲」，但只宣讀一頁紙的聲明，未有回答任何問題，更拒絕透露案件細節。至於與他一同被捕的另外四人，包括其助手叢培崑及無綫藝人寧進，以及無綫高層陳永孫及監製錢國偉，則未有出現。
陳志雲甫開始獨白便解釋，他過去一直無公開露面，是因擔心會引起混亂，故希望召開今次記者會後，傳媒毋須再在其寓所守候他。
剃鬚損面故戴口罩
他又以案件仍在調查中為由，不能透露案件細節，但特別解釋上周五保釋離開廉署時，因知道很多傳媒在外守候，故先整理儀容，可惜剃鬚時不小心刮損面部：「我戴住口罩，係唔希望大家以為傷痕係來自ICAC。」其言論即惹來哄堂大笑。
面對傳媒連日追訪，陳志雲不忘揶揄一番：「大家喺傳媒睇到嘅，唔一定係事實。」他舉出的「失實」例子，就是有報道指他本月十二至十七日一直「藏身」家裏：「事實並唔係咁，我一如以往，有同朋友出去食飯，去公立醫院覆診。」「而其他與事實不符嘅報道，我就不一一列舉說明喇。」
陳總亦感謝連日來向他發過無數短訊問候、關懷、支持及信任他的朋友，由衷地深表謝意。他讀至此臨時加插一段：「當然我亦要感謝旺角花墟賣碌柚葉嗰位老闆，多謝你嘅買一送一。」
突然《霎時感動》上身
陳志雲最後更以如主持《霎時感動》般突然感性起來說：「我生活得好好，不過，講到底，話我嘅生活完全冇變化，係唔可能嘅。」他以第三者身份說：「試問，想深一層，有邊個人嘅生活係從來冇遇上變化？如果你都遇上莫名其妙嘅變化，請你唔好驚、唔好亂、唔好放棄。因為：『真的假不了，假的真不了』。」暗喻自己真金不怕洪爐火。
他宣讀完新聞稿後，臨走前再企定定讓記者拍照，記者乘機連珠炮發提問：「事件中最錯係乜嘢？」「生活有幾莫名其妙？」、「無綫電視內部係咪有人出賣你？」等，但他均沒回答，只報以笑容回應，並在工作人員陪伴下匆匆離開。