弘立書院校董會主席黃惠君喺慶典中，特別感激高錕對學校嘅無私貢獻、出色嘅領導、不斷嘅鼓舞同啟發。校方為表謝意，將學校中學部廣場正式命名為「高錕教授廣場」，依家喺嗰度擺放展品，介紹有關高錕喺光纖方面嘅研究同成就，以及有關技術點樣推動全球嘅通訊發展。校方又成立一個以高錕命名嘅「高錕創新發展獎」。