立法會聽日辯論將舊樓強制拍賣門檻由九成降至八成的法律公告，做過保安局局長嘅立法會議員葉劉淑儀早前喺報章登全版廣告，炮轟發展局局長林鄭月娥為發展商推出降低舊樓強拍門檻，剝削小業主議價能力。
畀人鬧當然唔爽啦，林鄭尋日上電台斬釘截鐵咁話唔可以接受呢個指控，特別係嚟自一個佢以前非常尊敬嘅同僚兼上司。佢話明白議員為民請命無可厚非，但成件事感覺好怪，因為佢身為局長，仲話：「我都覺得我係為民請命喎！」
林鄭又企硬話會奉行「三不」政策，即不撤回、不修訂、不重提，擺出一副打死罷就嘅款添！究竟林鄭同葉劉邊個先係為民請命？睇怕要等市民去判斷嘞！