立法會主席座駕「LC1」換新車一波三折，原本計劃喺前年更換Volkswagen（福士）嘅「Phaeton」（輝騰）三點二公升豪華房車，但發現有高官使用嘅同款座駕出現頻頻壞車情況，所以物流署建議再觀察半年先至扑錘決定買唔買，點知拖到最近，物流署忽然決定改買六十幾萬元嘅日本凌志GS450h油電混燃嘅豪華跑房車，直到尋日終於喺立法會停車場首次曝光。
凌志GS450h配備一副三點五公升V6、D-4S前置引擎，後輪驅動，加上電動馬達提供V8相約嘅動力，透過電子控制無段變速系統，令汽車加速轉波過整非常流暢，但耗油量同兩公升引擎嘅車輛相若，達到慳油環保原則。
