阿Ron話認識陳志雲好耐，又記得兩年前中環麗嘉酒店臨清拆前夕，曾經同陳志雲去嗰度錄影《志雲飯局》，但依家陳志雲涉及廉署調查，佢不便評論太多。與會嘅前行會成員范鴻齡聽到陳志雲被捕消息後，好驚訝咁話：「係咩？咁大件事？咁大個台發生呢啲事，都算係大事！」

立法會議員劉秀成就以「震驚」嚟形容今次事件，佢只係記得兩年前去無綫電視城參觀數碼廣播設備時見過陳志雲，平時冇乜來往，仲話廉署拉得人通常有證有據，話陳志雲今次都好論盡。