24小時瀏覽記錄

政情：路政署facebook專頁拍烏蠅

經過高鐵撥款一役，外界炮轟政府事前嘅諮詢不足、諮詢方法落後，事後啲高官補鑊，好似運輸及房屋局局長Eva鄭汝樺就開咗個「短命」facebook帳戶，最終被抨為政治化妝。其後仍然有好多部門爭相倣效，好似路政署最近亦依樣畫葫蘆，但捉到鹿唔識脫角。

○八至○九年嘅施政報告建議喺元朗市推行行人環境改善計劃，以減少人車爭路嘅情況，計劃由路政署負責。該署近日建立有關工程的網站，並連結一個名為Yuen Long Town PEIS嘅facebook專頁，聽日將舉行首次公眾論壇。

專頁內上載咗有關計劃嘅資料同圖片，但竟然冇做宣傳，開咗個幾禮拜以嚟只有三十人加入，參加者亦冇發表留言，顯示專頁反應奇差，搞咗等於冇搞。