【本報訊】陳志雲等人被捕的消息曝光後，即時掀起網民在本港各大網上討論區熱烈討論，延續「惡搞」本色，大玩無綫節目名稱，其中由陳主持的《志雲飯局》更被改稱得最「熱烈」，諸如「廉署飯局」、「志雲大結局」、「志雲一鑊熟」及「皇家飯局」等。
其他「惡搞」節目名及戲名包括「志雲呈獻：品味咖啡」、「向赤柱出發」及「向監獄出發」等，更有網民形容事件是《監獄風雲》「最終版」的「監獄志雲」。網民「donaldfu」笑稱「秋香怒點唐伯虎，開新劇——廉署怒查陳志雲」。「可愛children」則形容無綫「黑仔」：「繼版稅風波、無得播世界盃之後，竟然爆單咁嘅醜聞」；「wasitreal」就指「覺得似係內部權力鬥爭」；「TINGTINGLEUNG」認為「可能佢得罪人太多，成日以為自己係至高無上，所以比（畀）人告發」。
另有網民在Facebook為「陳志雲被捕」設群組，稱天地有正氣，昨晚已有百多人加入。
網民嘲志雲一鑊熟
可愛children：TTB都黑仔啦，繼版稅風波、無得播世界盃之後，竟然爆單咁嘅醜聞。
胸毛一人：不是「志雲飯局」，而是「志雲一鑊熟」！！
有乜好股：陳總品味咖啡—節目由廉記贊助。
babyjerry：OH……係（拘捕）……用得呢兩個字……應該係有料到……真係估唔到……做到呢個位都要……咁……貪！！
Lovelybbs：點解你哋個個都好似好憎陳生咁嘅？我覺得佢幾好呀，感覺上係一個幾勤力嘅高層。
EVA222：拘捕即是有晒證據，行行都有坑渠錢，睇吓食得乾唔乾淨。
mercy_mama：佢下輯節目係「向監獄出發」同「皇家飯局」。