一班香港理工大學嘅教職員早前發表公開信，直指理大上年度投資虧蝕逾五億元，包括理大早年同四名校董一齊成立嘅理大漢方精研所有限公司，舊年以超低價一百一十萬元出售其股份，帳面蝕逾二千七百萬元；另有涉及七億元嘅理大工程，由理大校董出任董事的公司中標，令人懷疑涉及利益衝突。

雖然理大校方已就「九宗罪」逐一作出回應同解釋，但十八名民主派立法會議員唔收貨，尋日去信要求審計署跟進，認為審計署有責任確保公帑正確運用。