應同掟鞋青年對話

葉劉話香港官員真係要睇開啲，美國前總統布殊都畀人掟過鞋啦，使乜如臨大敵？如果唐唐識得即時請掟鞋青年上台交流對話，效果肯定好好多，可惜唐唐畀人掟完鞋，只一味識笑同叫大家互相尊重，咪畀人覺得佢喺度背死書囉。

其實，葉劉睇唐唐唔多順眼已經唔係第一次，上年就指正過唐唐畀立法會嘅信件英文文法有問題，又糾正唐唐用「沉重」嚟形容議員工作繁重唔正確。

身兼匯賢智庫主席嘅葉劉，四月會帶團率領二百名本地大學生北上坐武漢高鐵，最近又為匯賢智庫學苑籌辦夏季課程，教中學生英語文法。批評人哋英文唔好，佢教英文應該靠得住啩！