煲呔曾忽然創意十足。今年禮賓府開放日，佢搞搞新意思，搵咗幾十個導賞員，為參觀市民講解禮賓府嘅歷史同特色。煲呔曾其實都好易滿足，任期剩下兩年多，日日諗退休，晚晚好好瞓，禮賓府原來咁吸引中外來客，難怪他沾沾自喜，透露早前班導賞員去禮賓府實地考察嘅時候，親自帶佢哋睇過一轉，仲牙擦擦話自己做咗「導賞員嘅導賞員」。連如此芝麻綠豆的小事都認叻，筆者相信佢退休之後，會覺得好寂靜。
煲呔曾連導賞員都撈埋，卻不理香港有冇深層次問題等佢解決，可憐唐唐出席「青年高峰會議」時，畀班「80後」混入採訪區，又被圍攻，又被掟鞋！唉！唐唐無辜辜做了箭靶，啲示威人士明顯係衝着煲呔曾而來，煲呔曾在北京出席人大政協會議，唐唐以署理行政長官身份代替出席，就咁做咗一次刻骨銘心嘅替工！
煲呔曾退休後，以其「浮雲」性格，相信好易甘於平淡。有一則小品可作為他的寫照：羅局長當上局長後，養成了很多習慣。比如說，每天早晨，他習慣到各部門走走，那一個比一個謙卑的問候聲很受用。羅局長退休的次日，又習慣地到各部門走走，卻只有一、兩個人與他打招呼，笑容也生硬，他感到很不習慣。回家後，他向夫人感嘆：「真是人一退，茶就涼。」夫人在看電視，說：「都是勢利眼，哦，菜洗好了，你炒一下，這韓劇真好看。」「都荒了好幾十年了，不習慣掌勺，還是你來。」「沒關係，慢慢就習慣了。」夫人說。