黑超五人組舞步輕快

中華旅行社總經理楊家駿老婆同兩個仔都嚟打氣，「機器大王」蔣震伉儷、亞洲聯合財務董事總經理長原彰弘一家亦有嚟捧場。初時台下賓客個個正襟危坐，表現有啲拘謹，可能大家都有啲唔慣。

節目進行到夜晚十時過後，楊家駿、台北貿易中心董事總經理劉錫威等五名猛男，出乎意料咁以黑超Look登台獻唱經典台語歌《山頂的黑狗兄》，佢哋左手揸咪，右手不停畫圈揮舞，腳踏輕快舞步，令現場觀眾爆笑叫囂，陷入瘋狂狀態，encore聲不斷。

可惜佢哋只準備呢一首歌，想獻唱多首都冇。散場後好多人流連回味，有人仲叫佢哋索性組樂團出唱片添！