場內亦有唔少名人分享做「香香公主」或「香味王子」心得。例如玩具大王蔡志明千金蔡加怡愛用Issey Miyake，清新香味令伊人愛足六年，縱使坊間香水琳琅滿目亦未變心。

富豪集團太子女羅寶文就花心啲，聞到海洋味香水就心花怒放，心水係Blumarine或Body Shop嘅香水。問佢約會男友時會唔會轉吓香味予對方驚喜，寶文就甜笑話希望男友鍾意嗰個係佢本人，唔係啲香水喎。