其實個中學生腦轉數唔錯，呢啲叫「橋唔怕舊，最緊要受」。唔派糖，派錢！二百億一張張金牛係咁派，你話幾過癮！鬍鬚曾太自以為是，不知變化，是以年年變不出新把戲。

有國學大師話，好像有一個卦，到了某個階段，它就變成另外的樣子；再如上電梯，到某一層就有某一層的境界，非變不可，因為知道一切事物非變不可的道理，便能隨遇而安，所以樂天知命，故不憂。但你臉皮咁厚，預算案年年估錯盤數仲咁自豪，一如騎師走位次次判斷錯誤，明明第一變三甲不入，如果仲認叻，肯定等釘牌。

中大最新民調顯示，有四成四覺得預算案對中產「冇料到」，更有近六成人認為預算案無助提高佢哋對特區政府嘅管治信心添。話雖如此，筆者相信庫房收入即使見「紅」，佢都會把糖派下去！因為常識話畀我哋知：一旦福利水平上升，就很難再降下來；它往上走容易，向下走難。

我隔籬嗰位二叔公已等緊下年度綜援金出四個月雙糧，搵到工做滿三個月可獲獎金一萬；公屋住戶三姑話政府最好代交一年租！派糖萬歲萬歲萬萬歲！