04/03/2010

播放本新聞相關短片

政情:芳芳姐痛心援交少女

由影星轉為全力投入保護兒童工作嘅護苗基金會長蕭芳芳,最近喺一個選舉中,被選為香港最受信任嘅人物。芳芳姐尋日出席一個活動時,講到選舉結果好謙虛,話自己聽到時都覺得好愕然,唔敢相信。自言「又聾又懵」嘅佢話,自己會盡量做嘢,希望可以保護到多啲少女同兒童。

芳芳姐仲話,今次得到呢個殊榮,可能因為自己屋企風水好,又話香港人對傷殘人士真係好好。早前芳芳姐畀人影到去醫院檢查眼,佢透露由於耳鳴困擾,眼都受到一定影響。

近年專注保護兒童遠離色情嘅芳芳姐又講起工作,話見到少女為錢去援交就好心痛,甚至G模問題亦值得關注,同時要諗辦法制止色情問題日益氾濫。