早前我哋先講過，旅遊界嘅立法會議員謝偉俊（Paul）準備搞個議員高鐵遊，順便參觀吓上海世博，尋日立法會主席透露，收到議員要求，並且向中聯辦表達咗相關要求，希望可安排全體議員到訪上海同武漢，行程亦係睇世博同搭武漢高鐵，據講反應都唔錯。
呢個訊息一出，建制派同泛民主派議員都議論紛紛，建制派議員關注嘅梗係內地會採取乜嘢姿態啦，泛民則有人抱怨，話個高鐵團搞得唔係時候，事關公社兩黨五人辭職，呢個時候北訪根本唔係全體議員，希望押後到補選之後喎。
呢個高鐵行嘅構思本來嚟自阿Paul，依家變咗由立法會主席提出，成團可能性就大大提升啦。