楊孫西帶嘅至愛係四箱共二十四支金裝茅台，佢一向無茅台不歡，估唔到上京都不忘帶私伙茅台宴客，一運就兩打金裝茅台，每支為一斤裝，據聞市價約二、三千蚊一支，屈指一算即係帶咗幾萬蚊茅台開會，夠晒豪氣。

盧文端則帶咗逾萬蚊上等普洱茶葉清腸胃，佢話呢啲極品二十五年普洱茶餅最適合兩會應酬多嘅日子，腸胃不適時，可飲普洱幫助消滯。佢仲話上到北京會同旅發局主席田北俊一齊分享，亦會送啲靚普洱畀田少添。