汪阿姐話條裙款式好啱佢，夠晒中西合璧，圖案係幅柳樹，甚有中國山水畫效果，配上旗袍領、七分袖，加埋袖口位有少少摺邊，望落好似中式，但卻融合西式剪裁，腰間仲有蝴蝶結添！汪阿姐再襯個閃鑽珍珠胸針，清雅中帶貴氣。

佢啱啱同老公羅家英由日本仙台度歲返嚟，即刻投入八和會館工作，呢位主席真係唔話得，難怪行會召集人梁振英（CY）尋日撥冗嚟打氣。CY原來係八和顧問，仲好搞笑咁話：「支持粵劇，支持八和，支持阿姐！」搞到汪阿姐聽完笑到見牙唔見眼。