小白觀點：野雞校色誘內地生

好多人以為內地學生爭住嚟香港讀大學，原來佢哋首選始終都係北大呀、清華呀之類嘅內地著名學府，咁就弊嘞，咁香港點發展教育產業呀！

查實香港嘅大學要增強競爭力並唔難，如果大學有個諾貝爾得獎者當然唔使煩，莫講話招生，收入場券畀家長帶仔女入去握吓手，沾到啲文昌貴氣都唔講得笑，學物理固然攞諾貝爾獎，拍電影捧走一座銀熊獎，好嘞，即使小朋友唔搞學術，亦都可以憑抄襲剽竊勇奪喺德國設計界舉足輕重嘅「金鼻子剽竊獎」。

至於嗰啲冇國寶級人物坐鎮嘅二打六大專院校，亦唔一定打定輸數，反正現今校園春色無邊，A大學最強嘅就係混雙對打項目，已經連續三年處於領先地位；B大學更有享譽東南亞嘅「二炮野戰營」軍訓，只要宣傳一下，蒙昧初開嘅內地學生肯定打崩頭爭住入學。

e-mail：sunsiupak@gmail.com

Blog：http://sunsiupak.blogspot.com

阿豪觀點：假洋鬼子升官都難

曾幾何時，香港嘅大學生都算幾威，好似話叫「天子門生」喎，想問吓大家，幾耐再冇聽過呢個term呢？唔好話依家通街大學生貶晒值，就算內地學生，都逐漸唔吼香港嘅大學嘞。

咁就真係奇怪嘞，點解啲內地學生依家先知道自己名牌學府正？真係「不識廬山真面目，只緣身在此山中」？

好簡單，你睇吓啲領導人，有邊個唔係出自北大、清華等嘅名牌大學呢？唔通佢哋係滿口英語，又有洋名嘅假洋鬼子咩？不過話分兩頭，想升官發財，去香港讀書當然嘥氣啦，之但係如果抱住「人不風流枉少年」的心態，香港嘅大學不失為一個好選擇。你知啦，家陣大學宿舍春色無邊，顛鸞倒鳳兼夾3P、4P，而且唔止有實踐，仲有理論，大學學報對情色文化有相當深刻嘅研究。本港大學絕對係留學生嘅「性地」呀！

e-mail：lukchiho75@hotmail.com

Blog：http://lukchiho.blogspot.com

網友觀點……

學生王子：本港大學生喺人力市場上隨時會淪為次選添。

校工：內地啲名牌大學生不知幾吃香，使乜南來吖！

李怒眉：鬼叫老董將學院通通升格為大學，搞cheap個場咩！

阿呆：本地學府有賣點o架，宿舍鬼混、淫賤迎新……嘩！

有料爆：

香港電影揚威海外，又有人抽水～

SMS傾埋一份：6016 2496