獲偶像送折子戲飛

范太話由細到大都好鍾意睇寶珠姐嘅戲，尤其欣賞佢無論扮男定女都演得出當中嘅神韻。雖然范太係寶珠姐嘅超級粉絲，但佢實在太忙，所以就算○三年已透過寶珠姐嘅節目真正認識偶像，至今仍然冇乜時間可以聯絡。之不過，緣分嘅嘢有時真係好難講，范太前排就喺街上撞到寶珠姐，對方提起遲啲會演出粵劇折子戲，仲送咗兩張飛畀佢添！

寶珠姐將會一連演出四晚，范太只係可以睇到尾場，所以佢收到飛後不知幾開心，計過條數後話就算趕一趕都要返香港捧場。為睹偶像風采，難怪范太寧願做「空中飛人」。