唐校長離開香港去美國做學術研究多年，尋日係佢三十年嚟第一次再戰花巿，所以心情好興奮。佢話印象中花巿有好多花，但依家就分開咗乾濕兩個貨區。今年初一撞正情人節，口密嘅唐校長話到時或者會有即興節目慶祝，不過就透露太太鍾意玫瑰花，應該會送一紮。睇嚟唐校長都相當浪漫喎！

講到新年願望，唐校長話希望學生們學業進步，同事們就工作順利，心想事成，佢仲講笑咁話如果同事們想加人工都係好願望，事關佢都想。