陳貴妹由馬鞍山警署飯堂老闆僱用當清潔散工，據知，街坊及警署員工都知道她的喪夫慘事，但性格開朗及健談的她積極面對傷痛，不時參與社區活動散心。她育有兩名二十餘歲兒女，長女已婚遷出，幼子亦投身社會，晚上進修。

「婆婆都係意外」

消息稱，陳婦昨晨十一時放工半小時後即出事。到場調查的警員赫見其中一死者是「阿妹」，驚嘆：「今朝先喺警署同佢有講有笑，點解依家會出咗事？真係唔好彩！」一名女工友亦眼紅紅地表示難以接受事實：「我啱啱先同佢食早餐咋喎！」馬鞍山分區指揮官常志強也盛讚「阿妹」：「佢幾Nice、斯文，對人亦好客氣，真係好可惜！」

「阿妹」的丈夫譚勝，○七年七月十日在銅鑼灣軒尼詩道舊三越百貨地盤工業意外中不幸身亡。當日有七名工人在地盤拆卸天秤時，天秤突連同其他組件彎曲倒塌，造成兩死五傷，五十一歲的譚勝與四十九歲堂弟遇難。曾協助陳貴妹跟進善後事宜的工業傷亡權益會總幹事陳錦康，對陳婦的遭遇感到難過。他透露，兩個月前法庭就事件作出判決，陳婦正要求當局上訴。

「阿妹」的家中昨晚充滿愁雲慘霧，一對子女與親友商量善後事宜。女兒悲痛地表示，母親向來有拜神的習慣，昨晨原準備回家拜神，詎料飛來橫禍，但家人不會怪責墮樓的婆婆，因為「冇人想咁，婆婆都係遇到意外」。

陳貴妹的十多名親友昨傍晚六時帶同兩名道士，先後在寓所及案發現場進行招魂儀式，愁雲慘霧，其女兒一邊燒冥鏹一邊哭叫：「媽咪返嚟啦，媽咪收嘢呀……」期間，大批街坊駐足圍觀，對兩住客枉死嘆息不已。

捐款編號：911864