事緣港大舊年已叫人捐錢買起百周年校園嘅一磚一瓦，但反應好一般，家陣趁住就嚟過年兼情人節，就再向校方同公眾埋手宣傳，只要大家捐出一萬八千至三萬八千蚊，就可以「買起」校園其中一舊磚，兼且可以喺舊磚上面刻字刻名留念，自己設計綿綿情話同愛人表白愛意。

查實一舊磚先籌到幾萬蚊，幾時先起到成幢樓呀？校方就話成個計劃目標係籌二億元，百周年校園到二○一一年底先落成，仲有好多時間，總之就多多益善少少無拘！