23/01/2010

播放本新聞相關短片

政情:霍公子牛一撞正冬奧運

眾所周知,港協暨奧委會會長霍震霆經常要四圍飛,忙到不得了,而佢喺下個月生日,點知撞正溫哥華冬季奧運會,所以冇得放假。但佢一啲都唔介意,事關生日年年有,賽事就唔係成日搞,所以佢到時要過去on duty。

雖然生日要做嘢,但霍公子一啲都冇唔開心,事關乖仔啟山到時會過去陪爸爸過生日。啟山話哥哥啟剛都應該會成行,但細佬啟人就因為喺倫敦讀書,所以嚟唔到,雖然三缺一,但啟山話到時會送個驚喜畀爸爸喎!

冬季奧運會將喺二月十二日到二十八日舉行,大會一共設計咗三隻分別叫魁特奇(Quatchi)、米加(Miga)同蘇米(Sumi)嘅吉祥物,全部都係加拿大傳說中嘅動物,唔知啟山會唔會送晒三隻畀爸爸做生日禮物呢?