蔡冠深喺瀋陽、長春住咗一星期，經歷咗零下二十幾度的日子。何解咁凍都要出門？原來佢間公司新華集團喺瀋陽扎根二十年，早前搞周年慶祝活動，所以冒雪都要帶排行第三嘅囝囝撐場。

就因為今次下暴雪，搞到佢失預算，好彩當地頭住家放咗唔少禦寒衣物，落機後急急着衫繼續出席連串慶祝活動，包括喺東北大學舉行嘅音樂會，佢仲即場捐贈一部三角鋼琴賀集團生日，由擁有八級鋼琴底子嘅蔡公子彈奏一曲，為新鋼琴剪綵。