小白觀點：「性愛堅尼系數」幾懸殊

中大刊物深入大學宿舍，發現宿生之間其實有深層次矛盾，好多宿生對同房帶另一半返嚟當住佢面搞嘢好唔順氣，有個學生哥話喎，同房最好事先單一聲，等佢有心理準備，唔使咁尷尬咁話。

由此可見，依家啲大學生嘅「性愛堅尼系數」幾懸殊吖，一係由朝搞到黑以一敵百，一係就近二十歲仔都未開齋，竟然唔知道乜嘢叫「情到濃時」。喂，使唔使預早一個月Book定期，喺日曆寫住「今晚十一時半本人將與豬女曳曳」呀？

不過，大學宿舍咁Free都未必係壞事，至少中學生知道大學生活係咁荒唐淫亂嘅，寧願少睇幾日AV都要苦讀碌入大學。

網友觀點……

yamyam

嘩，大學生幾淫亂，幾開放，唔知醜㗎！

黑仔

想起間宿舍都幾污糟，正常啲都唔想去住啦。

吹水強

唔順氣咪Call齊幾個人上去逼爆間房，成堆人圍住佢搞嘢，睇吓佢仲搞唔搞。

小白臉

中大呢份刊物做得好，敢於講真話踢爆自己友，畀人知道大學生荒唐嘅一面。

網址：www.sunsiupak.blogspot.com

阿豪觀點：「同性蛇」搞埋一份好難禁

有大學刊物調查發現，依家啲大學宿生性觀念超開放，喺房胡天胡帝已經係好小兒科，有啲見個宿友帶伴侶返嚟過夜，唔抵得自己都帶埋一份，連condom都可以互通有無。至於有冇changing partner，咁就真係天曉得啦……

大學宿生生活作風問題，唔係第一日受關注，之前某院校就試過因宿生違反「鴛鴦蛇」禁令而遭取消住宿資格同沒收已繳交宿費嘅風波。

不過豪伯就留意到一個問題：據嗰本大學刊物調查，原來「同性蛇」都一樣會搞埋一堆，仲令室友鬼咁尷尬添，依家各院校都淨係禁止異性留宿，林煥光新官上任，係咪應該做番啲嘢呢？

網友觀點……

小明

舍監應該學公安捉嫖客咁突擊查房，班性博士就唔敢亂嚟啦。

尖頭文

宿舍變陽台，可能係宿生嘅傳統文化，份刊物可以追擊一下，期待猛料再爆！

咸伯

雙人房變咗四人房，中大都應該追收番啲附加費吖！

失業漢

唔知宿舍請唔請校工呢？春上春又changing partner聽到人心思思，真係好鬼想去睇吓戲！

網址：www.lukchiho.blogspot.com