本文重點
東方報業集團旗下on.cc即時新聞，喺iPhone同Nokia Smartphone手機正式登陸，用戶可透過手機程式觀看on.cc提供嘅七大類免費即時新聞及資訊。我哋尋日已圖文並茂詳盡講解上述兩款手機觀看即時新聞嘅「步驟三部曲」，由於簡單易用，深受各界人士歡迎，向來緊貼民意嘅立法會議員都唔輸蝕，搶先體驗即時資訊新感受。
尋日分別遇到資訊科技界議員「IT豪」譚偉豪同工業界議員林大輝，佢哋不約而同對住部iPhone篤篤吓，兼且睇到入晒神，原來係睇緊on.cc即時新聞。
大輝話一按on.cc按鈕就入到即時新聞主頁，顯示出七大類即時新聞及資訊，包括港聞、兩岸、國際、財經、娛樂、體育同交通／天氣，鍾意睇邊類都得，方便到不得了！
讚方便順暢夠Update
IT豪就話尋日朝早睇到我哋嘅報道後，隨即發揮IT人本色，喺iPhone下載on.cc即時新聞程式，使用後感覺好Perfect，首先on.cc程式介面簡單清晰，快速選擇即時新聞類別可增添使用誘因，介面較其他手機新聞優勝，加上即時新聞夠晒Update，而且相當準確，即時資訊盡掌握。
跟住問過投資有道嘅「橄欖」陳鑑林，佢都話有用iPhone睇on.cc即時新聞，評語係：「好好，方便，順暢。」他主要留意港聞及財經資訊，尤其係財經資訊好幫到佢，所以會繼續使用喎！如果大家都想好似議員咁緊貼新聞資訊大時勢，就快啲用手機下載on.cc即時新聞程式喇！