阿Paul嘅短訊好搞笑，「嘻嘻！忙完高鐵戰役，忽然想起今天廿一日是我少年成長的開始（五十一歲），四十而立，五十應成器……」古訓話三十而立，阿Paul就遲咗人哋十年，五十應該要知天命啦，佢就啱啱成器嘅啫，真係畀佢激死！提出生日願望，估唔到佢又突然正經，願望竟然係「香港有優質文明的民主」。

呢個抵死短訊最終吸引咗二十幾個朋友嚟，佢嘅紅顏知己白姐姐梗捧場，但就空手到，話原本想送生日禮物嘅，但唔見咗喎。