本文重點
財政司司長曾俊華去年九月心臟病發，入院後獲厚待即時施手術檢回性命，但尋常百姓就「同人唔同命」。一名中年漢去年十二月同樣心臟病發，卻需輪候十個月，最終未能等及手術已病發身亡；日前再有一名心臟病老翁排期做搭橋手術，亦疑因延誤兩周而枉死。倘阿兒無法在短期內籌得十四萬元購買除顫器，或將隨時成為另一個受害人。病人組織怒斥醫管局「同人唔同命」做法有違道德，絕不能接受。
醫療制度「冇人性」
「阿兒都話冇錢，醫院仲話一定要畀十四萬先裝除顫器，咁即係叫個病人去死！」香港社區組織協會主任何喜華狠批醫管局醫療制度「冇人性」，倘堅持奉行「有錢人有命，冇錢人冇命」，做法等同草菅人命，在已躋身國際都會的香港而言，絕對令港人蒙羞。
何喜華又稱，社協不時接獲類似個案，但因醫管局一直只「睇制度做人」，無視病人權益，令不少病人最終成為犧牲品。
「心臟起駁器有得資助，點解除顫器就冇？」病人互助組織聯盟副主席張德喜直指醫管局現有安全網存在極大漏洞，常令有需要的病人得不到適當治療。張重申，若醫管局繼續以資源或服務為由而拒絕向病人施救，將有更多病人受害。