「媽咪個心唔好，我送個心畀佢！」稚子真誠之語，令阿兒即時哽咽，加上愛子「成成」親手繪畫的心意卡，更令阿兒對成成萬般不捨，以一對蒼白的手輕撫成成臉龐，「我好想條命可以長啲，睇住個仔大，就算小學畢業都好！」

自幼遭病魔苦纏

阿兒原為辦公室文員，與任職倉務員的阿亨結婚十二年，十年前誕下成成，三口之家生活尚算寫意。不過，成成出生未幾，阿兒即患上心衰竭，遭病魔苦纏至今，「最初一瞓低就係咁咳，冇幾耐至知係因為心臟發大，搞到連肺都積埋水！」阿兒說，由於當時醫生已指其心臟功能偏低，一直需服用藥物控制病情，故無法工作，只能在家專心相夫教子。

阿兒半生遭病魔苦纏，早在年幼時已因患急性腎炎而令腎功能受損；十二年前再發現患上甲狀腺癌，接受手術後需終生服藥控制病情；兩年前又因患上子宮癌，接受切除手術後得以保命。雖然如此，阿兒仍無懼命運挑戰，「幾次都可以喺鬼門關走番出嚟，我相信呢次都可以！」

心臟剩兩成功能

可惜最近她病情每況愈下，更不時出現頭痛及氣促徵狀，「依家我連行步路都冇力，好多時連落街都唔敢！」她透露日前覆診時，醫生指其心臟只餘兩成功能，建議植入心臟除顫器，以保持心臟正常跳動，否則將有性命之虞，惟所需費用亦險些令阿兒心臟病發作，「醫生話呢啲嘢政府唔包，要成十幾萬，仲要一次過畀，我邊有咁多錢？咁即係叫我等死！」

「我真係好想幫到老婆，但真係冇辦法！」阿亨看着日漸消瘦的阿兒，眼裏充滿無限憐惜。阿亨說，自從阿兒患病之後，他便成了家中經濟支柱，但因同時照顧妻兒而分身乏術，因而難以工作，生活十分拮据。

東區醫院發言人表示，病人於二○○○年確診患上產後擴張性心肌病，一直在該院覆診及維持藥物治療，但是早前覆診發現其心臟功能仍持續不正常，醫生建議病人植入心臟除顫器。有關儀器為病人自費項目，費用約為十四萬元。阿兒的生命能否得到延續，全繫於善長的一片愛心。如有任何查詢，請致電3600 9988與本報記者聯絡。 捐款編號：911844