扮嘢文大年初一要分身

舊年喺西九搞得有聲有色嘅紅酒美食節，寶文都有份拋橋同出力，上年佢本來仲想搞個冬季露天戶外大型溜冰活動，最後因有重重關卡而搞唔成，但佢唔會放棄，今年會再接再厲，希望年尾搞得成。

至於盛傳會頂田少個位嘅海洋公園主席盛智文，就話政府仲未有人搵過佢傾，佢依家都周身唔得閒，啱啱先喺布吉忙完嗰邊新酒店開幕嘅嘢返嚟。講到今年農曆大年初一撞啱係情人節，扮嘢文講明到時要開自己幾份先掂！大家咪敏感住，佢唔係有幾個情人，只係到時佢又要去布吉，又要返成都睇住翻版蘭桂坊嘅興建進度，所以要分身啫。