肥平一家三口前晚出席一個公開活動，今年九歲嘅淦璇天真活潑，喺現場不停撩卡通人物同佢玩。何太話囡囡農曆新年後就要考試喇，依家趁功課冇咁緊張陪佢玩多啲。

為人父母都着緊子女健康，依家豬流感橫行，但錫囡囡錫到燶嘅何太話唔使帶囡囡去打防疫針，原來淦璇前排不幸中招，之後更傳染埋畀肥平同佢，換言之一家三口都患過豬流感，三個於是都免咗疫。何太反而最擔心萬一病毒變種，可能會令疫症影響到全世界。