其實佢曾自爆請教過啲醫生，研究點樣可以搞好啲頭髮，可惜醫生潑冷水話年紀關係，所以冇得搞喎！所以醫學界見到佢近日嘅新髮型都議論紛紛，懷疑佢去咗植髮，甚至有業界人士問過佢添，但佢只係笑而不答。

睇番以前啲相，佢舊年六月確係仲未「變髮」，但到八月忽然以新形象示人，真係打針都冇生得咁快。根據資料顯示，植髮一年後先可以睇到三至四吋長嘅新髮，長極有限，如果要短時間內由稀疏變到長而濃密，可以揀織髮同戴假髮。