教育局副局長陳維安話一讀完書就喺投資銀行度做，後來跳槽去咗馬會，由於加入中央政策組做非全職顧問，加深對公共事務嘅興趣。政府公布擴大問責制後，佢仲向政制及內地事務局局長林公公同當時嘅特首辦主任攞命陳自動請纓，話對副局個位有興趣。

佢話曾經表示過對商務及經濟發展、財經同教育呢三方面有興趣，最後政府就派咗佢去教育局，仲喺正式宣布為副局長之前嗰幾日先被安排會見教育局局長孫明揚。佢講笑咁話雖然知孫公係馬主，但咁多年都冇機會喺馬場認識佢，喺盲婚啞嫁底下，孫公想Say no都唔得啦！