「新金王」金至尊老闆Kennedy黃英豪屋企珍藏咗好多靚錶，但真正戴上手睇時間嘅，佢只愛TAG Heuer。
Kennedy鍾意打高球，仲好欣賞老虎活士嘅球技，連自己戴嘅手錶都愛上由活士做代言嘅TAG Heuer，佢話之所以買呢隻錶，都係見老虎活士幫佢哋賣廣告，但佢冇買活士sell嗰隻Golf Watch，而係買咗依家手上戴嘅Twin-Time Automatic皮帶錶。
好多男士都鍾意戴鋼帶錶，但佢卻獨愛皮帶錶。何解？原因有點出人意表，原來佢話自己嘅皮膚比較薄，以前戴鋼帶錶成日被刮到流血，所以佢鍾意戴殺傷力小啲嘅皮帶錶。真係諗佢唔到！
