被問幾時造人當堂怕醜

阿涂呢趟去咗正值夏天嘅澳洲墨爾本，兩公婆喺香港過慣咗城市人嘅生活，所以今次行程設計都幾返璞歸真。包括去農場摘士多啤梨、酒莊試酒，又去動物園探樹熊，玩得好盡興。阿涂仲好雀躍咁講述喺士多啤梨園摘果嘅過程，直嚷咁大個仔從未試過。查實新界上水都有即摘即買嘅士多啤梨園，下次佢想再體會農家樂，兩公婆可以考慮吓唔使買機票去到咁遠。

好多朋友都關心阿涂幾時造人。被問及生仔大計，原本講到口沫橫飛嘅阿涂當堂怕晒醜，口窒窒話生仔要有詳細嘅共識至得！