25/12/2009

播放本新聞相關短片

政情：CY暗寸煲呔曾亂噏

早前煲呔曾出席一個展銷會時，話今年冇需要刺激經濟，所以佢亦唔使再花咁多錢買嘢嘞。行政會議召集人CY梁振英近日就喺佢個網誌度警告話：「香港購物區和市面旺場不旺場，基本上由遊客和最高收入一群人決定，不是全社會現象，我們要小心跌入誤區！」

CY指分析香港民生問題切忌以偏概全，因為香港打工仔收入不均嘅情況極嚴重，大家睇到過冬期間零售餐飲業生意轉好，購物區大收旺場，唔代表中基層市民生活真正有改善，暗寸煲呔曾不知民間疾苦，亂噏經濟復甦！