象哥買豬手即場食

可能受到楊孫西感染，立法會議員「象哥」黃定光都買埋一份，除買多盒各售二百蚊嘅生麵禮盒外，行到一間酒家攤檔時，又買咗二百蚊即食帶子同四十蚊豬手，即場同黨友分享，個個食到舔舔脷，大家合共消費咗約四至五千蚊，出錢出力撐工展會。

廠商會副會長施榮懷憶述喺七、八歲已跟爸爸施子清行工展會，當時都有高科技產品賣。係乜？就係「人造皮」嘞，當然喺依家唔係咁流行啦。