游說Kelly母子代言

接手先年幾，黃英豪話當日嘅投資早就回咗本，今日賺嘅都係實利，不過佢做事一向實事求是，話嚟緊嘅工作，就係要省靚金至尊嘅品牌，仲計劃去日本開店打響知名度，又會同國家四大銀行之一嘅農業銀行達成協議，破天荒喺農行賣金至尊金條，更落實同做咗媽咪冇耐嘅Kelly陳慧琳續約，依家仲游說緊Kelly同囝囝母子登場推銷新產品添！

黃英豪話開山劈石辛苦頭幾年，做順咗就會有人幫你行落去，依家律師行有好好嘅合夥人，公司又有好嘅員工，過兩年佢應該可以抽身出嚟做其他嘢，譬如做慈善為人服務。中總喺立法會嘅議員黃宜弘兩年幾後就會卸任，唔知「新金王」有冇興趣接棒呢？