發叔尋日喺鄉議局執委會上警告，新大樓工程事關重大，各委員要勇於承擔工作同責任，要將新大樓工作放在重要位置，仲話如果各委員真係因為公務或私務纏身而無暇兼顧工作，應該讓位畀其他有興趣嘅委員。發叔早前已公開批評過班鄉紳對新大樓籌款工作懶懶閒，依家又搞到流會，難怪佢咁火滾。