他們痛定思痛之後，總會找個宗教信仰來依靠。一般而言，如果死傷者不是他們親友的話，教友們的包容力特強，很樂意為殺人放火、淫人妻兒或滿手鮮血的人犯寫一封滿是錯別字的求情信：「官老爺，案中×××冇錯車死幾個倒梅（楣）蛋，但佢好孝順，冇搵車撞阿媽，又冇教（搞）細路女，佢重犯嘅可能性好抵（低）好抵（低）……」繼之，被告會一臉懊悔，叫世人千萬不要重蹈覆轍，走上醉駕害人之路。

但最奇的是，那些不食人間煙火、庭上時有打瞌睡的官老爺竟然會照單全收，大受感動，別以為他們都是唸番書，此時甚麼「浪子回頭金不換」之類古諺竟然琅琅上口。

到底如此一起案子，是否能收到警世作用呢？小白老弟日前放工消夜，鄰枱有大班疑似職業司機的麻甩佬高談闊論，笑口淫淫說完想兼職做茅山師傅後，開始講到醉駕慘案，他們對事件甚表唏噓，其中有個一錘定音：「×！酒量咁屎咪學人隊啦，你睇吓我……」跟着骨碌骨碌乾了一支大啤，好豪氣咁抹吓個嘴繼續說：「嗱，計埋呢支，夾夾埋埋一打，邊度有事吖？」大夥兒一飲而盡，各自上車揚長而去……