前幾日喺立法會主席嘅婚宴上，立法會議員陳克勤好甜蜜咁拖實女朋友亮相。唔講唔知，原來十年前當克勤仔仲係做區議員時，喺一個社區活動度邂逅依家從事金融業嘅女友，佢仲強調女友當時只係幫手做義工，唔係佢嘅議員助理。莫非驚畀人聯想起甘威嘅「有好感」事件？
克勤仔話對理財一竅不通，所以交晒畀女友幫佢搞。佢仲笑言唔知女友每月搵幾多錢，分分鐘搵得多過佢都唔定，但就拍晒心口話自己係個傳統嘅中國男人，一定會養妻活兒。
咁幾時會結束愛情長跑呢？佢就話上個禮拜六去完一個婚禮後，見到新郎又唱又跳又演講，覺得好大壓力，好擔心自己冇咁好才藝，結婚時惟有表演跳火圈同吞劍娛賓喎！
