今次有份展出嘅丹麥商品差唔多有成二十個唔同品牌，首飾之外，仲有傢俬、玻璃、羽絨、皮草、皮鞋、藝術印品等，除乾貨外，連礦泉水嘅Counter都有，難得佢兩公婆唔嫌悶，行勻晒成個場，明明睇嘅都係自家品牌，但都交足戲好似好新奇咁，樣樣都左睇右睇，摸吓揸吓咁，畀足機會圍喺場外影相嘅傳媒捕捉shopping神態。雖然王妃打扮簡單，但都不忘笑得好甜咁話身上都有戴丹麥珠寶。